Det har vore mange lovord å få frå utstillarane som hadde funne vegen til martnan etter at denne vart fløtt til Loarområdet. Ekstra populær er brukt- og antikk messa i Lom samfunnshus. Også utstillarane på Loarområdet melder om stort salg og dei aller fleste ynskjer å kome attende til Lom neste år. Vi ynskjer sjølvsagt også nye utstillarar velkomne og gjer det vi kan for å få eit mest mogleg variert varespekter. Særleg har vi eit ynskje om at lokalt næringsliv skal vere aktive før og under Fjordingsmartnan. Ring 61211003/97169557. Det blir satsa på presentasjon av eitt vidt varespekter. Dei fleste næringar er representerte. Særleg interesse er det likevel for produkt tilknytt landbruk og håndverk. I 2019 var omlag 60 utstillarar påmeldt med stands. Det er lagt opp til ein mest mogleg intim marknad med konsentrasjon av utstillingar og aktivitetar.
Husflid og håndverk har vi hatt godt representert i alle år. Lokale produsentar stiller opp med demonstrasjon og sal og er eit viktig innslag kvart år. I tillegg til aktiviteten inne på sjølve plassen, har også Lomsprodusentane rikeleg utval i kjellaren på Loar og det kan vere vel verdt å ta ein tur innom utsalet der.
Ynskjer du utstillingsplass - gå inn her...
