Hest og hund og mange andre slags dyr
Som i tidlegare tider, spelar også i dag hesten hovudrolla under Fjordingsmartnan. Interessa for hest i Ottadalen er stor, og Fjordingmartnan samarbeider med dei lokale organisasjonane om utstillingar, demonstrasjonar, barneridning, konkurransar og andre aktivitetar.  Den store åringsutstillinga samlar kvart år rekordmange åringar og set sit preg på martnaslaurdagen. Åringsutstillinga har nå fått offisiell status og har etter kvart vorte eit av hovudinnslaga på Fjordingsmartnan. - Det som gjer denne utstillinga spesiell er at det her berre er åringar. På andre utstillingar kjem ofte åringne i skuggen av hestar i andre klassar, fortel Ole Vesta i Ottadalen Dølahestlag. Kontaktinformasjon finn du på sidene til Dølahestlaget.

Åringsutstilling. Foto Tom Erik Solstad, Fjuken.

Vi har heilt sidan starten i 1995 forsøkt å ta med oss mest mogleg frå Fjordingsmartnan på 1800-talet og hesten står da naturleg nok i fokus. Namnet Fjordingsmartnan kjem av at fjordingane (folket frå fjordane) kvart år kom over fjellet med hest og varer for salg og fest. Vi samlar fleire og fleire hestar og hesteinteresserte kvart år og forsøker stadig finne å fram til nye aktivitetar. I tillegg til ein brei presentasjon av hesterasa med visning av flest mogleg av dei forskjellige fargenyansane, konkurransar/tevlingar, oppvisningar osv.

Skjåk hestlag er ein annan sentral aktør som har ansvaret for barneridning, har eigen leir for både tobeinte og firbeinte på martnasområdet og som stadig kjem med nye idear og innspel til aktivitetar på martnan.   Også Stall Sæther frå Skjåk skal ha eigen leir på området og barn og hest skal vere med i forskjellige aktivitetar martnashelga.  Jotunheimen tråvlag arrangerer hestskokastkonkurranse og deltek også med mange andre aktivitetar. Jotunheimen Hestlag   blir heilt sikkert å treffe med aktivitetar og oppvisningar også i 2010 og Anne Hege Rådal og Annette Kirkestuen tek deg med på drosjekøyring med hest.

Jetta Hundeklubb
held fram det gode arbeidet og den store aktiviteten under Fjordingsmartnan. Jetta Hundeklubb er ein trufast aktør under Fjordingsmartnan. Barn og hund  fredag er ei tevling der barn får høve til å vise fram kor flinke dei er til å syne hunden for dommaren. I kåringa av Fjordingsmartnans penaste hund kan alle typar hund delta, blandingsraser blir særskilt oppmoda og vinnaren blir kåra av tre lokale dommarar etter utslagsmetoda. Påmelding til alle aktivitetane til Jetta Hundeklubb skjer på Loarområdet før tevlingane startar.


Elghundutstilling
Jotunfjell Fjordane elghundklubb og Gudbrandsdal elghundklubb arrangerer stor, todagars elghundutstilling laurdag 18. og søndag 19. juni på Fjordingsmartnan. Denne utstillinga går av stabelen annankvart år i Lom under martnan og på Dombås.